ئىسىم-فامىلىسى: قەلبىنۇر ئوبۇلھەسەن.

2010- يىلى بېيجىڭ لۇخې تولۇق ئوتتۇرا مەكتىپىگە ھەر قايسى پەنلەردىن ئەلا نەتىجە بىلەن ئالاھىدە قوبۇل قىلىنىپ ئىچكىرى تولۇق ئوتتۇرا سىنىپلىرىدا ئوقۇغان.
ئۈچ يىل ئىلغار ئىددىيىلىك دىنى ئۇستازلاردىن ئىسلام دىنى ئەقىدىلىرى ھەققىدە مۇنتىزىم تەلىم ئالغان، ئەرەپ تىلى گرامماتىكىسى ، بالىلار ئۈچۈن پەيغەمبەر قىسسەلىرى ، ھەدىس ۋە تەپسىرلەردىن ئەرەپچە ئىلىم تەھسىل قىلغان .
مەدرىسەلەردە ئەرەب تىلى گىرامماتىكا دەرسى، ماتېماتىكا قاتارلىق دەرسلەرنى بەرگەن.
چوڭلار تىل تەربىيلەش كۇرسلىرىدا ئانا تىل، خەنزۇچە، ئېنگىلىزچە تىل ئوقۇتقۇچىسى بولۇپ خىزمەت قىلغان .
مەكتەپ ئوقۇغۇچىلىرىنىڭ مەكتەپ دەرسلىرىگە يېتەكچىلىك قىلىش ۋە خەنزۇ تىلى كۇرسى ئاچقان .
2017-يىلى، تۈركىيە، ئىستانبۇل ساغلاملىق بىلىملىرى ئۇنۋېرستىتىنىڭ ئاياللار تۇغۇت ياردەمچىلىك بۆلۈمىدە ئاسپرانتلىقنى پۈتتۈرگەن.
ئالىي مەكتەپ ئوقۇش جەريانىدا قوشۇمچە قىلىپ مەلۇم بىر ئاۋاز سىتۇدىيىسىدە كىنو-فىلىملەرگە، كارتونلارغا ئاۋاز بېرىش، دىكتور رىياسەتچىلىك كەسپىنى ئۆگەنگەن، ۋە ئۇيغۇرچە نادىر ئاۋازلىق ئەسەرلەرنى ئۈنگە ئېلىپ ، نۇرغۇن كارتون فىلىم ۋە ئىسلامى فىلىملەرنى ئۇيغۇر تىلىغا تەجىمە قىلىپ، ئاۋاز بېرىش خىزمىتى بىلەن شۇغۇللىنىپ كەلمەكتە .
تولۇقسىزدا ئوقۇۋاتقان ۋاقىتلىرىدا ئۆزى يازغان بىر قانچە ئىجادى شېئىر، نەسىر ۋە ھېكايىلىرى بالىلار ژۇرناللىرىدا ئېلان قىلىنغان . كىچىكىدىن باشلاپ تىل، ئەدەبىيات، كىشىلىك ئالاقە ۋە دىكتور-رىياسەتچىلىك ساھەسىگە ئالاھىدە قىززىققان ھەمدە تۈرلۈك نۇتۇق مۇسابىقىلىرىگە قاتنىشىپ كۆرۈنەرلىك نەتىجىلەرگە ئېرىشىپ كەلگەن.
ئىستانبۇلغا كەلگەندىن بۇيانمۇ يەنە ئۈزلۈكسىز ھالدا ئۇيغۇرتىلى ئەدەببياتى، ئېنگىلىزتىلى قاتارلىق تىللاردا كۇرسلاردا ئوقۇتقۇچىلىق قىلىپ، ئۆزگىچە ئوقۇتۇش مىتودى، جۇشقۇنلۇقى ۋە سەمىيمىلىكى بىلەن ئوقۇغۇچىلارنىڭ قىزىقىپ ئۆگىنىشىگە تۈرتكە بولۇپ كەلمەكتە .

«ھازىر سەرخىللار مائارىپىدا تولۇقسىز ۋە تولۇق ئوتتۇرا مەكتەپ ئوقۇغۇچىلىرىنىڭ ئۇيغۇر ئانا تىل دەرسى مۇئەللىمى بولۇپ خىزمەت قىلىۋاتىدۇ» .