سەرخىللار مائارىپى - تولۇقسىزنى پۈتتۈرگەن ئوقۇغۇچىلارنى داڭلىق تولۇق ئوتتۇرا مەكتەپلەرگە، تولۇق ئوتتۇرىنى پۈتتۈرگەن ئوقۇغۇچىلارنى داڭلىق ئالىي مەكتەپلەرگە، ئالىي مەكتەبنى پۈتتۈرگەن ئوقۇغۇچىلارنى دۇنياۋى داڭلىق ئۇنىۋېرستېتلارنىڭ ماگىستېرلىق پروگراممىسىغا لاياقەتلىك قىلىپ تەربىيىلەيدۇ. - ئوقۇغۇچىلارنىڭ داڭلىق مەكتەپلەرگە ئىمتىھان بېرىش ۋە ئىلتىماس قىلىش جەريانلىرىغا ياردەم قىلىدۇ. - ئوقۇغۇچىلارنى داڭلىق مەكتەپلەرگە تەۋسىيە قىلىدۇ. -داڭلىق مەكتەبلەرگە ئۆتكەن ئوقۇغۇچىلارغا ئوقۇش مۇكاپاتى ھەل قىلىپ بېرىدۇ «سەرخىللار مائارىپى» نىڭ مەقسىتى دۇنيانىڭ ھەرقايسى جايلىرىدىكى تالانتلىق ۋە بەلگىلىك يوشۇرۇن كۈچى بولغان ئۇيغۇر ئوقۇغۇچىلارنى نوقتىلىق تەربىيىلەش ئارقىلىق مىللەتنىڭ كىلەچىكى ئۈچۈن ياراملىق بىر ئەۋلات سەرخىل زىيالىيلارنى يېتىشتۈرۈپ چىقىش بولۇپ، قوبۇل قىلىنغان ئوقۇغۇچىلاركونكېرت نىشان تىكلەش، ئۈنۈملۈك ئۆگۈنۈش ئۇسۇلى يېتىلدۈرۈش، ئۆزىنى تەرەققىي قىلدۇرۇش ۋە ئۇنۋېرسال ساپاسىنى يۇقىرى كۆتۈرۈش جەھەتلەردە ئالاھىدە تەربىيىلىنىدۇ. بۇنىڭ بىلەن بىرلىكتە ئىنگلىز تىلى، ماتېماتىكا، تىل-ئەدەبىيات ۋە ئۇيغۇر تارىخى قاتارلىقلار زۆرۈر دەرسلىكلەر قاتارىدا ئۆتۈلىدۇ. ئوقۇغۇچىلاردا ئۆزئىشەنچ ۋە مۇۋاپىقىيەت تۇيغۇسى شەكىللىنىشىگە تۈرتكە بولۇپلا قالماي ئۇيغۇر مىللىي روھى، مىللىي ۋە ئۇنۋېرسال ئەخلاق ئۆلچەملىرى بويىنچە يېتەكلىنىدۇ.

سەرخىللار مائارىپى باشلانغۇچ، تولۇقسىز ۋە تولۇق ئوتتۇرىنى يېڭى پۈتتۈرگەن، ئوقۇش نەتىجىسى ئالاھىدە ياخشى، ئۆزىگە ۋە كەلگۈسىگە ئىشەنچىسى كۈچلۈك بولغان ئوقۇش قىزغىنلىقى كۈچلۈك، ئالاھىدە تالانتى ۋە يۈكسەك قىزغىنلىقى بولغان ئۇيغۇر ئوقۇغۇچىلارنى قوبۇل قىلىدۇ.